கூட்டுறவு, உணவு மற்றும் நுகா்வோர் பாதுகாப்புத்துறை

கூட்டுறவுச் சங்கங்களின் பதிவாளா், சென்னை கட்டுப்பாட்டில் புதுக்கோட்டை மாவட்ட அளவில் கூட்டுறவுச் சங்கங்களின் மண்டல இணைப்பதிவாளா் அலுவலகம் செயல்பட்டு வருகிறது. மண்டல இணைப்பதிவாளா் அலுவலகம், மாவட்ட ஆட்சியா் அலுவலகத்தின் அருகே அமைந்துள்ளது. இவ்வலுவலகத்தின் கீழ் புதுக்கோட்டை மற்றும் அறந்தாங்கியில் சரக துணைப்பதிவாளா் அலுவலகங்கள் செயல்பட்டு வருகின்றன. மண்டல இணைப்பதிவாளா் கட்டுப்பாட்டின் கீழ், அவரது அலுவலகம் அமைந்துள்ள ஒருங்கிணைந்த கூட்டுறவு அலுவலக வளாக கட்டடத்திலே வளாக கட்டடத்திலேயே துணைப்பதிவாளா் (பொது விநியோகத்திட்டம்) அலுவலகமும் இயங்கி வருகிறது.

தமிழ்நாடு உணவு பாதுகாப்பு விதிகளுகளின் விதிகள் மற்றும் ஒழுங்குமுறை விதிகளுக்குட்பட்டு புதுக்கோட்டை மாவட்டத்தில் பொது விநியோகத் திட்டம் செயல்படுத்தப்பட்டு வருகிறது. புதுக்கோட்டை மாவட்டத்தில் உள்ள 992 கூட்டுறவு நியாயவிலைக் கடைகள் மூலம் அரிசி, சா்க்கரை, கோதுமை, மண்ணெண்ணெய், துவரம் பருப்பு மற்றும் பாமாயில் ஆகிய அத்தியாவசிய பொருட்களை பொதுமக்களுக்கு முறையாக வழங்கி, உணவுப் பாதுகாப்பை உறுதிப்படுத்துவதே இதன் நோக்கம்

அத்தியாவசிய உணவுப் பொருட்களின் விலை உயா்விலிருந்து வறுமைக் கோட்டுக்கு கீழ் உள்ள மக்களை பாதுகாத்தல். அத்தியாவசிய உணவுப் பொருட்களை வறுமை நிலையில் உள்ள குறிப்பாக மலைவாழ் மக்களுக்கு வழங்குவதன் மூலம் உடல் வளா்ச்சிக்கெதிரான காரணிகளை நீக்குதல். பருப்புவகைகள் மற்றும் பாமாயில் ஆகிய பொருட்களின் வெளிச்சந்தை விலை உயா்வை கட்டுப்படுத்துதல். மான்ய விலையில் மண்ணெண்ணெயும். சமையல் எரிவாயுவையும் வழங்குதல். குடும்ப அட்டைதாரா்கள் அருகில் உள்ள நியாயவிலைக் கடைகளில் அவா்களது குடும்ப அட்டைக்கு ஒதுக்கப்பட்ட அளவீடுக்குட்பட்டு அத்தியாவசியப் பொருட்கள் பெற்றுக் கொள்ளலாம். ஒவ்வொரு குடும்ப அட்டைதாரருக்கும் ஒவ்வொரு மாதமும் குறித்த காலத்துக்குள் அத்தியாவசிய பொருட்கள் இத்திட்டத்தின் வழி வழங்கப்படுகிறது.புதுக்கோட்டை மாவட்ட வழங்கல் மற்றும் நுகா்வோர் பாதுகாப்புத்துறை அலுவலகம் மாவட்ட ஆட்சியரின் கட்டுப்பாட்டில் இயங்குகிறது. வலைத்தளம் வழி பெறப்படும் மின்னணு குடும்ப அட்டைக்கான விண்ணப்பங்கள் அனைத்தும் வட்ட வழங்கல் மற்றும் நுகா்வோர் பாதுகாப்பு அலுவலகப் பணியாளா்களால் கவனமுடன் பரிசீலிக்கப்பட்டு, முறையான ஆய்வுக்குப் பின்னா், மின்னணு குடும்ப அட்டைகள் நியாயவிலைக் கடைகள் வழியாக விண்ணப்பதாரா்களுக்கு வழங்கப்படுகிறது

1986-ம் ஆண்டு நுகா்வோர் பாதுகாப்புச் சட்டத்தின் கீழ் நுகா்வோர்களின் பிரச்சனைகளுக்கு தீா்வு காணப்படுகிறது. சட்டவிரோத வியாபாரம் மற்றும் பொருட்களை பதுக்குதல் ஆகியவை தரமான பரிசோதனை மூலம் கண்டறியப்பட்டு நுகா்வோர் நீதிமன்றத்தில் வழக்கு தொடரப்படுகின்றன. புதுக்கோட்டை மாவட்ட ஆட்சியா் அலுவலகம் பராமரிக்கும் நுகா்வோர் சேவை அமைப்பு பள்ளி மற்றும் கல்லூரி மாணவா்களின் பல்வேறு நிகழ்ச்சிகள் வாயிலாக நுகா்வோருக்கு விழிப்புணா்வு ஏற்படுத்தப்பட்டு வருகிறது