நிலஅளவை மற்றும் பதிவேடுகள் துறை

இம்மாவட்டத்தில் உள்ள 12 வட்டங்களின் 763 கிராமங்களுக்கான நில விவரங்கள் கணினிமயமாக்கப்பட்டுள்ளது. இவற்றில் தங்களது நில உரிமை தொடர்பான சிட்டா மற்றும் அ-பதிவேடு விவரங்களை பொதுமக்கள் இணைய தளம் மூலம் அறிந்து கொள்ள ஏதுவாக http://eservices.tn.gov.in என்கிற வலைதளத்தில் தமிழக அரசால் வசதிகள் ஏற்படுத்தப்பட்டுள்ளது.

புதுக்கோட்டை மாவட்டத்தில் உள்ள 12 வட்டங்களின் புலபப்டங்களும் கணினியில் பதிவேற்றம் செய்யப்பட்டுள்ளது. இவற்றில் முதற்கட்டமாக புதுக்கோட்டை மற்றும் கந்தர்வகோட்டை வட்டங்களில் உள்ள கிராமங்களின் புலப்பட நகல்களை மேற்காணும் வளைதளத்தில் பார்வையிட்டுக்கொள்ளவும் நகல் எடுத்துக்கொள்ளவும் தமிழக அரசால் வசதிகள் ஏற்படுத்தப்பட்டுள்ளது. இதர கிராமங்களின் புலப்படங்கள் கணினிமயமாக்கப்பட்டுள்ள நிலையில் இவற்றையும் விரைவில் வலைதளத்தில் பொதுமக்கள் பார்வையிட துரித நடவடிக்கை மேற்கொள்ளப்பட்டு வருகிறது. இம்மாவட்டத்தில் உள்ள புதுக்கோட்டை மற்றும் அறந்தாங்கி நகராட்சிகளில் உள்ள நிலப்பதிவேடுகளும் அனைத்து வட்டங்களில் உள்ள நத்தம் நிலப்பதிவேடுகளையும் கணினிமயமாக்கும் பணி முடிக்கப்பட்டு இணைய வழி சேவைக்கு விரைவில் கொண்டு வர நடவடிக்கை மேற்கொள்ளப்பட்டு வருகிறது.

பொதுமக்கள் தங்கள் நிலம் தொடர்பான விவரங்களை இணைய வசதி உள்ள அனைத்து கணினிகள் மூலமாகவும் செல்லிடைபேசி மூலமாகவும் http://eservices.tn.gov.in என்கிற வலைதளத்தில் எவ்வித கட்டணமுமின்றி பார்வையிட்டுக் கொள்ளலாம். பட்டா மாறுதலை பொறுத்த வரையில் அனைத்து நகர் மற்றும் கிராமப்பகுதிகளில் தமிழக அரசால் ஏற்படுத்தப்பட்டுள்ள பொது சேவை மையங்களில் ரூபாய் 50.00 கட்டணம் செலுத்தி தங்களது பட்டா மாறுதல் விண்ணப்பங்களை பதிவு செய்து கொள்ளலாம். பட்டா மாறுதல்கள் அனைத்தும் இணைய வழியாகவே மேற்கொள்ளப்பட்டு வருகிறது. இவற்றை கண்காணிக்கும் மற்றும் தொடர்பு கொள்ள வேண்டிய அலுவலர்களின் விவரம் கீழே வழங்கப்பட்டுள்ளது.